top of page

SA SAN JOSE, CAMARINES SUR: Mga paraoma envuelto na sa organikong pagtanum

Orgulyo kan lokal na gobierno sa San Jose, Camarines Sur na nagdadakula nang paraoma digdi an envuelto sa organikong pagtanum mala ngani sa ginibong 6th Organic Asia Congress sa Lanao Del Norte si Alcalde Jerold Peña kabale sa duwa sanang banwaan kan Camarines Sur na activong nagparticipar sa congreso bilang parejong miembro kan alyansa nin mga LGU sa organic agriculture.


An LGU kan Lupi kabale sa duwang banwaan kan Camarines Sur na pigparticiparan ni Alcalde Lilian ‘‘Gagay’’ Matamorosa. An ginibong Organic Asia Congress may temang ‘‘Building, World Peace through Organic Agriculture, Food Security Vital to Peace Building’’


Kabale sa mga participantes sa congreso iyo an iba pang LGUs hale sa ibang rehiyon, organikong sektor hale pa sa ibang nasyon sa Asia Women in Organic Agriculture sa Asia. Organisasyon nin jovenes asin NGO, na saindang pigheras an pinakahuring programa sa organikong agricultura sa saindang lugar.


Si Consejal Audie Concina, miembro kan Committee on Agriculture kan Sangguniang Bayan nagpahayag sa Bicol Mail an saindang banwaan iyo an nagsusuplay sa Ciudad nin Naga nin mga gugulayon siring kan marigoso o ampalaya asin kalabasa maging sa pagtanum paroy asin iba pa alagad pigcierto kan paraoma sa organic farming na pinapasunod ninda an pag-usar sa pagtanum arog kan organikong abuno asin mayong gamit nin chemicals.


An SB igwa nang ordinansa na padreno si Consejal Vicente Borce na nagpapapusog sa organic farming matapos aprubaran sa Committee on Rules ni Consejal Concina.


Pasalamat an LGU sa mga paraoma na nag-eenvuelto na sa organikong pagtanum mantang an produkto kaini mayong epekto sa salud tabang pa sa pampalaba nin buhay, sabi pa ni Concina. (DA)


Kommentare


bottom of page