Tigsik
- Bicolmail Web Admin
- Nov 17, 2023
- 1 min read
Tigsik ko an mga e-trike asin mga tricy
Na naghuhurot na langkawan an plete
Sa mga paralunad dakulang pasakit ini
Orog kun an mga tsuper, arogante pirmi
Tigsik ko an pag-umaw sa mga banwaan
Pagpili sa SK Federation Pres. naiiba man
Pinaagi ninda sa oral asin sa written exam
Bakong arog kan iba na igwang kiridnapan
Tigsik ko ining iba sa mga pulitiko ngunyan
An pagpili sa SK Fed. Pres. pinakikiaraman
Mga taktika sa pulitika sinda natutukduan
Kaya an mga kabataan, makaheherak man
Tigsik ko ining panahon na mauran-uran
Pwerting panira mga gulay na ginugutaan
Sa mirindalan duma,tsamporado, sinuman
An mga kataraid siguradong matatawanan
Tigsik ko man an iba sa agom na lalaki
Na kun minapuli matanga nang banggi
Kun hinahapot kan tutuo dai nagsasabi
Kun pirmi hale sa mga piday an mga ini
Comments