Tigsik

Tigsik ko an pagselebrar kaining Pasko

Gibuhon oroaldaw kun ika nasa ki Kristo

Dai na paghalaton pa an Disyembre 25

Ta bako iyan kamundagan Niyang tutuo

Tigsik ko an Pasko sa tunay na kahulugan

Paskwa an gustong sabihon katuninungan

Oroaldaw gibuhon, an tuninong na buhay

Dai magparairiwal ta nakararaot na tunay

Tigsik ko man an mga badjao na pasaway

Bitbit an mga butalnak siging baraybasay

Sa mga lulunadan bigla sana minasangkay

Horoben,harabo kan legal na hanapbuhay

Tigsik ko an sabi kan iba sa mga parahagad

Kaysa manghabon an pagpalimos na dapat

Algad pagkokonsente na magparahinurugak

Magsarig na sana sa pagsalod kan mga palad

Tigsik ko an nagpapalimos na mga babaknit

Na igwa nin mga aking bitbit, kilik asin kabit

Bigla sanang minasarangkay sa mga bus, dyip

Nag-aarano, mga agom na iyo an nagpakupsit