10 escuelahan sa Bicol kabale sa physical classes

An Departamento de Edukasyon (DepEd) sa Bicol nag-aandam na kan sampolong mga escuelahan sa rehiyon na iyo sana an na-aprubaran kan ahencia na kabale sa pilot face-to-face classes na mapuon sa Noviembre 15, 2021.

Si regional director Gilbert Sadsad padagos na piglilibot sa mga piling mga public school alagad dai kabale digdi an Camarines Sur, Camarines Norte, Albay asin Sorsogon.


Enot nang pig-inspeksyon ni Sadsad an mga escuelahan sa Masbate City na igwa sanang sarong escuelahan mantang duwa sa provincia nin Masbate.


Saro sana sa Catanduanes, saro sa Ciudad nin Iriga, saro sa Sorsogon City asin tolo sa Ligao City.


Sa guidelines kan ahencia nasyonal dapat voluntad sanang mga estudiantes kun mawot nindang mag-atendir sa physical classes, alagad kaipuhan na igwang kasuratan na nagtutugot an saindang magurang.Pigseseguro kan DepEd dapat estrictong magsunod sa health and safety protocols sa classrooms.


Kun igwang kalintura an aki dapat dai na tugotan kan magurang na maglaog sa klase. (dpa)