103 na familia benepisyaryokan Paglaom Village sa Buhi, CS

Maabot sa 103 familia an mga benepisyaryo kan Paglaom Village sa Barangay De La Fe, Buhi, Camarines Sur nagrecibe kan Entry Pass sa ginibong seremonya dai palang nahahaloy. An proyekto hatod kan National Housing Authority (NHA) sa pakikipagtabangan kan lokal na gobierno kan Buhi tanganing matawan nin disenteng estaran an mga calificadong pobreng familia.

An 50 benepisyaryo hale sa Barangay Sta. Cruz mantang 53 sa Barangay De La Fe. An actividad pinangenotan ninda Alcalde Rey Lacoste, Engr. Cristina Cabangon, District Manager kan Camarines Sur asin Camarines Norte kan NHA. Presente an mga opisyales de barangay na sinda Punong Barangay Tonyben Tabalde kan Brgy. De La Fe, yaon man sinda Brgy Kgd Ronnue Oliveros, asin Punong Barangay Jeffrey Afante kan Barangay Sta. Cruz.

An programa bilang pagtabang kan gobierno nasyonal sa paagi kan NHA asin LGU Buhi nganing mayo nang problema sa estaran sagcod na mapaangat an saindang pagbuhay.

Nagpasalamat man an opisyales de barangay sa NHA asin LGU huli sa tabang sa mga familia na mayong toltol na estaran.