12K iwawarak na mga pulis sa pagbubukas nin klase
Preparado na an doce mil na kapupulisan na iwawarak kan Bicol PNP sa gabos na pribado asin pampublikong escuelahan sa rehiyon cinco nganing maseguro an seguridad sa pagbubukas nin klase sa Lunes, Hulyo 29, 2024.
Igua nang direktiva si PBGen. Andre Dizon, jefe kan regional office kan PNP sa mga provincial director nganing mag-deploy nin kapupulisan sa mga vicinidad kan escuelahan. Kabale digdi si mamantenir kan paz y orden asin sa bulos nin trafico.
Gustong ciertohon ni Dizon an seguridad kan pagralaogan sa ribo-ribong estudiantes mantang sainda nang pig-andam an iwawarak na personajes kan PNP.
Sa report kan Department of Education sa Bicol abot sa 1.8M na enrollees an maralaogan sa klase asin an Camarines Sur iyo an may halangkaw na populasyon.
Sa Ciudad nin Naga na yaon digdi an mga colegio asin universidades, si Col. Erwin Rebellion an City Director kan Naga City Police Office nagsabi na igua na sindang haman na security plan asin sa trafico para sa burokasan klase sa Hunyo 29.
An NCPO asin Public Safety Office kan City Hall igua nang koordinasyon sa pagmantenir kan bulos nin trafico sa school universities saka sa public school sa segundarya asin elementarya.
Comments