131K na mga paraoma sa Bicol nakarecibe nin biyaya

Pili, Camarines Sur --- Abot sa 131,073 mga paraoma sa anom na provincia kan Kabikolan narecibe na an cantidad P7,000 na biyaya hale Department of Agriculture sa paagi kan Farmers Financial Assistance (RFFA).

Alagad sa anom na provincias an Camarines Sur na tambubong nin paroy sa rehiyon iyo an may halangkaw na numero nin paraoma na benipisyaryo.

Sinabi ni Lovella Guarin, opisyal na parataram kan DA Bicol nag-total sa P917,511,000.00 na kumpuesto nin 92 por ciento sa target na paraoma kan ahencia na rehistrado sa Registry System for Basic Sectors in Agriculture (RSBSA) an nakarecibe kan biyaya na nasa listahan na iguang kulang sa duwang hektarya omahan.

Sa listahan an Albay iguang 30,219 paraoma; Camarines Norte 10,099 na mga paraoma; Camarines Sur iguang 45,803 na mga paraoma; Catanduanes iguang 6,567 na mga paraoma; Masbate iguang 17,034 mga paraoma; asin Sorsogon iguang 21,351 na mga paraoma.

Alagad sa total na 142,600 na paraoma na target kan ahencia kan rehiyon, 11,377 na mga paraoma an dai nakabale sa nakacobra kan ayuda huli sa man-iba ibang dahilan.

An fondo na hale sa RFFA hale sa Rice Competitiveness Enhancement Fund (RCEF) kan gobierno.

Dakulang bagay sa paraoma na rehistrado sa RSBSA huli ta nakakaayon sa nakakarecibe nin biyaya hale sa DA.