186K paraoma makakarecibe nin ayuda sa DA

Nasa 186,309 na calificadong paraoma sa Bicol nakatalaan makarecibe nin tig-a Php7,000 na ayuda kan Department of Agriculture hale sa fundo kan Rice Competitiveness Enhancement Fund (RCEF) na iguang total na P3,3717,095,000.

Sinabi ni Lovella Guarin, opisyal na parataram kan DA Bicol an mga paraoma na makakarecibe nin cash assistance dapat rehistrado sa Registry System for Basic Sectors in Agriculture (RSBSA) mas halangkaw an ayuda ngunian na taon hale sa dating P5,000 ginibo nang P7,000.

Pigtalaan iwaras an tabang pinansyal sa premirong cuarto ngunian na taon alagad mayo pang exaktong petsa.

Naglalaom an grupo nin paraoma na dapat mayo nang mag-‘‘Epal’’ nin politico sa pagbariwas kan ayuda na an fundo hale sa DA mantang nagrarani na an pirilian lokal asin nasyonal sa Mayo 12, 2025.

Kan mga nakaaging taon iguang ibang politico an nag-eepal nganing magpahamot sa sadiri alagad an cuarta hale sa sinambit na ahencia asin saro sa programa na tabangan an sektor nin paraoma.