2 motorista, nabagsakan kan natumbang kahoy parejong binawian buhay

Duwang magtugang na mga taga Ciudad nin Naga an kinumfirmar kan Ocampo Municipal Police Station, Ocampo, Camarines Sur an parejong binawian nin buhay kan tamaan kan natumbang acacia tree sa Barangay Moriones kan Fuentebella Highway kan Viernes, Hulyo 18, 2025.

An duwa nginaranan kan MPS na sinda Christian 36 anyos, asin Fred 33 anyos, mientras nagpapadalagan kan saindang motorsiklo hale sa Naga pasiring sa Partido area alagad aksidenteng natumba an poon nin kahoy pabagsak sa tinampo na nabagsakan an duwa kan mag-agi sa sinambit na lugar. An duwa dinalagan pa sa Ocampo District Hospital alagad pigdeclarar dead on arrival.

Afuera kaini, duwang pang biktima na-aksidente na sinda Ryan asin saiyang pasajero. An duwa parejong taga Ocampo, Camarines Sur. Sa imbestigasyon nahulog an saindang motorsiklo sa drainage canal kan ma-lost control.

Nakaresponde tolos an MPS asin MDRRMO na sa presente nag-aaram kan iba pang mga poon nin kahoy na posibleng matapo na delicado sa aksidente.

Iguang nagkaperang acacia tree sa gilid kan highway na inaaram an kamugtakan nganing malikayan an kaparejong aksidente.