Year of the Parish: Bagong Parokya sa Caceres Binuksan

Ika 92 na Parokya kan Achidiocesis binuksan sa sarong selebrasyon kan Eucaristia na pinangenotan ni Reverendissimo Rolando Octavus J. Tria Tirona, OCD, DD kan Pebrero 20, 2017 sa Brgy. Dugcal, Camaligan Camarines Sur. An bagong prokya mangangataman kan limang barangays asin duwang sitios. An mga brgy kan Dugcal, Sua, Sitio Gogon asin Tampac sa banwaan kan Camaligan asin mga brgy kan Sua, Mangayawan, Iquin sa banwaan kan Canaman an aatamanon kan bagong parokya sa pangataman ni Sta. Teresa kan Kolkata. Pinagnomrahan man kan Arzobispo si Reb. Padre . Bernard M. Lagatic bilang enot na Cura Parocco kan nasambit na bagong Parokya. Hinagad kan Arzobispo sa saiyan homiliya an pagkasararo asin pagtarabangan kan lambang saro sa paghingowa na maitindog an bagong simbahan.