SABI KAN BAYAN BIKOL CHR ‘baldado’ na - Bayan Bikol

‘’Baldado’’ na an Commission on Human Rights (CHR) kasunod kan naging desisyon kan congreso na tagamahan na sana nin P1,000 na prosupuesto an ahencia para sa masunod na taon 2018. Disganado an progresibong grupo sa administrasyon ni Presidente Duterte sa castigong ini sa CHR na iyo an ahencia kan gobierno na nagtatabang sa mga biktima nin deretso humano alagad garo man sana enterong pinilayan asin ginapos nganing dai makahiro. Si James Casilihan, lider kan BAYAN Bikol nagpahayag na ‘’baldado na ngonian an CHR sa P1,000 na prosupuesto mantang an Filipinas igwang populasyon na 104,109,659, sa budget kun sa cada Filipino namumugtak ini sa 0.0000096053, na kulang pang sarong centimo. Si Duterte, enot nang nagpapatanid sa CHR na tutunawon an ahencia huli kan pagiging kritiko sa mga nangyayaring extra judicial killing na kun haen rinibo na an nagkagaradan sa giyera laban sa ilegal na droga. Alagad sa resulta sa budget hearing sa congreso dagos nang hinalian nin prosupuesto para sa sunod na taon. An mga miembros kan Camara-Baja mayoria alipores ni Duterte na saindang pigsuportaran an kamawotan kan presidente na garo man sana tinunaw na efekto kaini paralisado an ahencia. An BAYAN, haloy nang nagdedenuncia kan mga pagbalga sa deretso humano na envuelto an ibang miembros kan militar asin PNP kaya ngani namumundo sinda sa naging desisyon kan congreso. Sa text messages kan lider kan Bayan sinabi kaini na ‘’Ganyan nababalahura ang derechos humanos ng bawat Pilipino. Sa ganitong sitwasyon ang CHR na dapat magsiguro sa mga atrocities ng state agents sa EJK’S, mga paglabag ng militar at pulis ay nawawala dahil sa kawalan ng budget lumpo ang komisyon. Wala ng magbabantay sa mga atrosidad at paglabag ng mga state agents. Challenged ito sa ating Supreme Court na ang isang constitutional bodies like CHR ay nagiging subject sa pagiging walang pakialam ng ibang pulitiko o representatives. Dapat nga na i-retain o dapat ngang dagdagan ang budget ng CHR’’, sabi kan BAYAN Bikol.