SA 2019: P752.9M pigproponer infra projects sa Naga

Maabot sa P752.9 milyon an pigproponer na mga proyecto sa infrastractura sa Ciudad nin Naga hali sa dating P545.9 sa pigsumiter na listahan nin mga proyecto kan 2nd Engineering District kan Department of Public Works and Highways (DPWH) sa Baras, Canaman, Camarines Sur asin nadongangan ini nin P207 milyon kan City Hall na nag-aagi sa pag-aadal asin recomendasyon kan City Development Council asin inaprobaran sa Sangguniang Panlungsod nganing makabali sa matatagamahan nin fondo kan DBM para sa 2019 regular infrastructure program. Si Consejal Vidal Castillo, pamayo kan Committee on Infrastructure sa SP nagsabi na an multi-million pesos para sa katorceng mga proyecto sa infrastractura na kinababalihan kan rehabilitasyon nin mga tinampo, pagpalakbang nin tulay, road widening, rehabilitasyon kan mga Naga City Flood Control, dredging kan salog Naga, drainage projects asin iba pa. Sinabi ni District Engr. Rebecca Roces kan 2nd Engineering District kan DPWH sa CSur an resolucion kan SP asin CDC saro sa mga rekisitos nganing saindang iindorso an mga propuestong proyecto sa Regional Development Council tanganing makaayon sa Annual Budget Proposal kan ahencia para sa taon 2019. Kabali sa darakulang proyecto na hinagadan nin dugang na fondo iyo an bridge widening kan Magsaysay Bridge asin kan MT Villanueva Avenue asin Magsaysay road na pigproponer sana kan DPWH na P12.9 milyon alagad ginibo nang P50 milyon mantang kaayon pa sa hinagadan nin dugang na fondo iyo an construction/rehabilitation kan Peñafrancia creek, Brgy. Del Rosario asin contruction/rehabilitation of drainage system, Kapilihan-Bagumbayan Norte-Bagumbayan Sur, sabi pa kan consejal. Si Castillo bilang pamayo kan Committee on Infrastructure iyo an nagtulod sa CDC meeting asin sa sesyon kan SP na aprobaran an total na P752.9-M nganing iindorso kan DPWH sa RDC Bikol para matagamahan nin fondo kan gobierno nasyonal sa irarom kan build-build-build project na iimplementar kan obras publika. Si Bise Alcalde Nelson Legacion, pamayo kan SP nagsabi na kun maaprobaran asin mafondohan dakulang bagay sa mga proyecto sa infrastractura sa ciudad nurong taon mantang limitado an fondo kan City Engineer’s Office. Sinabi ni Roces an duwang resolucion kan City Hall saindang ipapadara tolos sa RDC Bikol nganing ma-aksyonan asin makabali sa dapat mafondohon sa annual budget proposal of 2019. Sa listahan kan DPWH an mga proyecto kinababalihan kan mga minasunod; 1.Rehabilitation/reconstruction of asphalt road, Fraternidad-Biaknabato- E. Angeles-Bagumbayan Rd, 2. Bridge widening into 4 lanes – Magsaysay Bridge, 3. Payments for road right of way - widening of Naga-Carolina-Panicuason Rd, 4. Payment of ROW – widening of Naga-Carolina-Panicuason Rd., 5. Construction/rehabilitation/improvement of Naga City Flood Control (Bitaogan-Sagop Concepcion Creek, 6. Construction/rehabilitation /improvement Naga River Flood Control (Balatas section), 7. Construction/rehabilitation/improvement Naga River Flood Control (San Felipe section), 8. Construction/rehabilitation /improvement of Naga City Flood Control, Brgy. Pacol, 9. Construction/rehabilitation/improvement of Bicol River Flood control (Mabolo section), 10. Construction/rehabilitation/improvement of Bicol River Flood Control (Tabuco section), 11. Construction/rehabilitation/improvement of Peñafrancia creek, Brgy. Del Rosario, 12. Dredging of Bicol River (Naga City Section), 13. Construction/rehabilitation of drainage system Cokeville-San Felipe Creek, 14. Construction/rehabilitation of drainage system circumferential road, Calauag-San Felipe. An pamayo kan committee on infrastructure kan consejo nagsabi na dakulang bagay sa ciudad an sinambit na mga proyecto mantang limitado an fondo kan City Hall sa mga proyecto sa infrastractura na pig-iimplementar kan City Engineer’s Office. (dpaureus)