Dota kontra droga ilalansar sa CNorte

Ki Ric Palacio

Daet, Camarines Norte – Pig-aandaman na kan Capitolyo Provincial asin kan PNP Provincial Office digdi an pinakaenot na ‘’Dota Kontra Droga’’ na pigtalaan gibohon an torneo sa Deciembre 14-16 sa Agro Sports Center sa banwaan na ini.

Si Provincial Director P/Sr. Supt. Cerilio Trilles nagsabi na sarong advocacia laban sa droga an torneo afuera kan mga dati nang ginigibo kan PNP asin kan lokal na gobierno nganing maiparayo an mga jovenes sa ilegal na droga.

Abot sa cincuentang (50) teams hali sa manlaen-laen na provincia kan nasyon an nagseguro na maparticipar sa pigbilog na Dota Kontra Droga kan gobierno provincial.

An cincuentang teams hali sa Camarines Norte, Metro Manila maging sa iba pang provincia na pig-inbitar kan provincia nganing magparticipar sa torneo.

Ipinahayag man ni Gino Villafrancia, Sports Coordinator asin Provincial Youth Officer kan Capitolyo Provincial, afuera sa anti-illegal drugs campaign, pigtatawan prioridad kan provincia an responsableng kawat kan mga jovenes na envuelto sa pagkawat nin electronic sports asin pigciertong maabot an representante kan Department of Information and Communication Technology (DICT) tanganing ipaliwanag an sinambit na kawat.

Dinagdag pa kan Sports Coordinator, igwa nang pighahasi an provincia kabali an mga kagsadiri kan computer shop tanganing pangenotan an responsableng kawat sa Camarines Norte.

Nagtagama na nin fondo para sa trophy mantang maabot sa sangatos mil pesos an ibabariwas na papremyo sa torneo para sa magiging champion asin sa mga runner up.