Oya Na



Panahon na magbuelta ako sa dyaryo bilang columnist preparasyon pagsurat nin libro bilang recuerdo kan mga pangyayari asin estorya kan mga nakaaguing dekada. Tatawan ko nin halaga an mga aktwal na pangyayari ngonian sa satong kapalibotan.

Napili ko ining Bicol Mail ta regional newspaper saka harani sa sakong daghan ta naguin katabang ako pagbuhay kan dyaryo kan 2002 (guinadan kaya ini kan Martial Law kan 1972).

Makahulogan an taon 2002 ta nabago an aldaw kan kamundagan kan Naga komo chartered city poon Disyembre 15 pasiring Junio 18, an enot na isyu kaini sa ika duwang pagkakataon. Kaiba mi ni Nilo P Aueus {NPA) bilang may saderi asin publisher, si Dr Danny Gerona PhD as first editor kadto, si Levy Aureus, Alan Pelayo saka Danny Aureus.

An mga nakalap kong columnists kan 2002 iyo si Dr Chto Perez MD (RIP),Goyo Castilla haling Seattle USA, Al Villmora sa San Diego, California asin Vic Samson sa Chicago, Illinos.

Ngonian mantang retirado na ako sa politika --- dating bokal, vice mayor saka mayor, newsboy na lang ako kn Bicol Mail saka Bikol Reporter sa semanal nindang isyus, Libre an panao ko total an hanap buhay kan dyaryo local advertisements ska judicial notices saka resolutions/ordinances kan LGUs.

Sa totoo lang , an enot kong trabaho sa prensa sa daan na Bicol Mail kan 1968 durante kan Interscholastic Meet digdi sa Bikol kadto.

Kaidto kan itugdok an orihinal na Marcos Stadium sa Pili, buhay pa si Mayor Leon Sa Aureys Sr, enot na publisher, pirmi sanang naka-sando. Editor si Pons Ocampo. Kaibahan ko sa reportorial staff si Emil Saavedra, depuntong Alex Abad, Joe Camano, si Atty Henry Briguera an managing editor, Ogmahon ako kun an sakong raport an batayan kan editorial ni Mr Ocampo. Durante kan sarong semanang pan, nasyon na karawat saka coverage kan sports events nabisto ko an sikat sports editor kan Manila Time na si Antonio Siddayao.

An mga parasimba, parasaod, mga para kape sa New China.Quality,asin Moderna saka mga tambay sa Plaza ngbabarasa pa nin dyaryo lokal kadto Nagbabayad pati nin diez sintimos kada kopya. Buhay na buhay an mga news boys o para tindang dyaryo.

Padangat ko an Bicol Mail ta apuera ki Mayor Aureus, na naguin amigo ko man asin padihon an pinaka enot na Editor na si Francis T Naciansino Jr, 89 anyos na ngunian pero buhay pa, si depunto Alfonso Ocampo asin si depunto Stephen F Sergio an nagin katabang mi pa ni Nilo pag buhay kaining dyaryokan 2002. Si Atty Henry V Briguera na naging managing Edetor, padihon ko man.asin syempre Si Deponto Levy Aureus an sakuyang amego asin kainum inuman.

Regonal Bicol ang gagamiton ko sa column na ini, bako lang Naga Bicol kundi pati terminong haling Daet, Rinconada, Buhi, Albay, Sorsogon, Catanduanes asin Masbate.Gamiton niato an sadiring lenguahe antes ini gadanon kan English, Tagalog asin TV Patrol.

An mga favorito kong tema: Bicol Media Politika asin Sarong Banggi Organization International na guiguibuhan kong libro sa maabot na panahon.

Kaya oya na ako. Ini an Totoo. Bicol Mail readers here i come.