VP Robredo para presidente

Inako ni Bise Presidente Line Robredo sa mga miembros kan media sa Ciudad nin Naga na dai niya hinahale an posibleng pagcandidato bilang presidente sa maabot na presidential elections sa taon 2022.

‘‘Kun iyan an destiny’’ puedeng mangyari mala ngani dai man siya nag-ambisyon na maging bise presidente napalaban sa eleksyon sagcod na nanggana. Alagad sa ngonian amay pang andaman asin trabajo muna an saiyang prioridad, sabi pa.

Si Robredo yaon kasoodma sa Ciudad nin Naga sa ginibong asemblia kan mga volunteers sa mga candidato kan otso diretso kan nakaaging midterm elections asin siya an naging bisita sa pag-organisar sa grupo bilang Bunyog Bikol.

Magigirumduman an bise presidente dai man nag-ambisyon na magcandidatong congresswoman sa tercer distrito kan Camarines Sur alagad pigtulod siya kan partido liberal para sa pagkakaburongyog kan partido.

Nangyari liwat kan hagadon sa saiya kan LP na maging ka-tandem kaidto ni Senador Mar Roxas kan nakaaging presidential election alagad an senador dinaog sa resulta kan pirilian ni Alcalde Rodrigo Duterte na ngonian iyo na an presidente. ‘‘Harayo pa an masunod na presidential elections saka na yan’’