Kamugtakan kan Panganiban Drive

Ini an kamugtakan kan Panganiban Drive kan Ciudad nin Naga bago mag-abot sa simbahan kan Iglesia ni Kristo, an mga auto, motorsiklo sa bangketa nakapararada, pag-abot nin hapon may mga ukay-ukayan, mga kakanan igwa pa, kaya an mga pasajero sa tinampo nagraralakaw na. Paanong dai magkagurubot an trapiko, dagdagan pa kan kadakol na mga tsuper na dai disiplinado, na sa ‘‘pedestrian lane” na gayo minapondo tanganing magpalusad asin magpalunad nin pasahero kaya an pagbaralyo naaatraso, na pagsinitar mo anggot pa saimo. (Aida Cirujales)