54-k bagong botantes sa CamSur sa nagpapadagos na registration

Buelta an voter registration puon kan Agosto 1, sampulong bulan antes kan pirilian sa Mayo 11, 2020 para sa barangay asin Sanguniang Kabataan (SK) elections.

An Commission on Election (Comelec) sa Camarines Sur naglalaom na maabot sa cincuenta y cuatro mil o cinco por ciento an bagong registrants sa laog nin duwang bulan na registration period na matapos sa Septiembre 30, 2019, sabi ni Alexander Mapuri, Election Officer sa Calabanga, CamSur asin opisyal na parataram kan commission sa provincia.

Kan nakaaging midterm elections an Camarines Sur igwang 1,089,000 na rehistradong votantes.

Kadakle kan mga nagpapalista sa Comelec nag-eedad nin 15 hasta 18 años mientras na enot nang nagkaigwa kan kaparejong actividad an commission antes kan eleksyon kan Mayo 13, 2019.

Nanotaran afuera kan mga bagohan na botantes nagpipirila man si mga dai nakaboto nin nagkaperang veces para sa reactivation kan saindang rehistrasyon.

Dawa igwa nang pendienteng bill sa Congreso sa pag-uktaba kan eleksyon magpapadagos an Comelec sa actividad sagcod na dai pa na-eenmiendahan an ley sa nakatalaan na pirilian.

Igwa nang mga lehislador sa duwang Camara an nagsangat nin propuestong ley nganing i-uktaba an pirilian sa Oktubre 2022 alagad an Comelec magpapadagos kan voter registration sagcod na dai pa na-aaprobaran an bill asin kan Malacañan, segun pa ki Marpuri.

Nakatalaan magkunducir nin mall asin satellite registration sa iba pang hararayong barangay nganing magdakul an numero kan mga nagpapalistang botantes. (dpa)