NFA rice limitado na sa mercado

Pili, Camarines Sur – Magpapadagos an National Food Authority (NFA) sa pagpapabakal kan baratong presyo nin bagas na pigsusuplay sa mercado dawa pig-iimplementar na an Rice Tarrification Law (RTL) asin dawa malugi man an ahencia mientras na an direktiba kan administrasyon Duterte dapat dai mawara an P27.00 na NFA rice sa mga accredited retailers.

Bagsak na an presyo kan paroy sa mga pribadong kumprador mientras na padagos an saindang palay procurement program sa mga lokal na produkto hale sa paraoma sa mas halangkaw na presyo.

Alagad sa mga limitado sanang lugar na pigdeclara kan Department of Social Welfare and Development (DSWD) na bugtakan nin tiendahan kan NFA rice retailers na halangkaw an nagtitios na familia.

Digdi na kami nakatutok na mag-accredit na mag-venta kan NFA rice, sabi ni NFA Provincial Manager Alan Sabaybay.

Si natatada nalang na huring nag-abot na suplay nin NFA rice iyo an saindang pig-aalokar sa mga NFA rice retailers sa mga mercado na mapaso na an saindang licensiya hasta sa Deciembre 2019 alagad kaipuhan igwang mawalat na food security encaso man calamidad.

Sampulong sako nin bagas an saindang pigsusuplay cada semana sa mga mercado asin sa luwas walong sako asin traditional outlet limitado sana sa limang sako.

Sinabi pa ni Sabaybay base sa rice liberarization law an lokal na produkto nin bagas na saindang pigbabakal ginibo an lokal na produkto nin bagas nakatagama sa food security encaso igwang calamidad asin disaster alagad kun dai naubos dapat idistribuer sa mercado.