Tigsik


Tigsik ko kun piyesta nin mga kalag Lobongan nin pobre risa mananggad Sa klase nin kandila asin mga burak Sa ibabaw nin lobongan ibinubugtak

Tigsik ko an makauyit na kaugalian Kan buhay pa pirmi nang ikinauyam Alagad kun piyesta na nin mga gadan Burak na magagayon, nasa lobongan

Tigsik ko kun piyesta nin mga kalag Kadakol kan mga tawong makaurag Kun nababayaan daing tawo an langag Mga mahabon nakakabwelo nanggad

Tigsik ko ining ginigibong selebrasyon Kun baga saro na sana daa ining reunion Kan magpamilya sa ibabaw nin pantyong Mga memorya kan gadan ginigirumdom

Tigsik ko man kun piyesta nin mga gadan Ano ta nagmamaskara nin kinatatakutan Taano nakahiling na sinda nin arog kaiyan Na hitsura nin kalag nin mga nagagadan?