Brgy. Kap sinuspendi nin 60 diyas

MILAOR, Camarines Sur. Kinastigo nin 60 diyas na preventive suspension kan Sangguniang Bayan digdi an sarong barangay kapitan huli sa dai maipaliwanag na paggastos kan fondo kan barangay.

An barangay kapitan si Angel Briones kan Brgy. San Miguel nag-aatubang nin caso administrativo sa SB sa isyu sa dai maipaliwanag na ginastos na nag-aabot sa P250,349 mil alagad nagsayumang magpaliwanag.

An suspension order ki Briones pigrecibe kan Enero 23, 2020.

Bulan pang Noviembre 22, 2019 sinangat ni barangay kagawad Lina Castillano an reclamo sa SB na nag-agi sa gabos na proceso kan inbestigasyon.

Tinawan nin quince diyas kan SB si Briones nganing magpaliwanag kan caso alagas iginilid niya an saiyang deretso.

Digdi na nagdesisyon an sangguniang sa pamamayo ni Bise Alcalde Sening Bermas na sampalingon nin 60 diyas na preventive suspension an kapitan kan San Miguel.

An Barangay Council nagpasar na nin resolucion na nagdedesignar ki Brgy. Kgd. Lorna Abdon bilang Officer in Charge kan barangay.