City Hall nagcrear Muslim Affairs Office

An pamayo kan Maranao Guild for Solidarity (MGS) Inc. tinukahan kan City Hall nganing iyo an mamahala kan Muslim Affairs Office (MAO) epektibo kan Enero 1, 2020 alagad ‘one man soldier’ na namumugtak an saindang opisina sa Lingkod Barangay Affairs Office kan ciudad.

Si Mike Mustapha, presidente kan MGS nagpahayag sa Bicol Mail na premirong nangyari sa mga LGU sa rehiyon cinco na an City Hall nagbugtak nin opisina para sa grupo kan Muslim.

An MGS, sarong Muslim Community sa Ciudad nin Naga na nag-eerok sa Barangay Concepcion Pequena asin igwa na sinda digdi nafundar na Mosque na pigdadayo kan iba mga Muslim hali sa ibang mga barangay kan ciudad.

Maabot sa 300 na miembros kan comunidad nag-eestar na digdi sa laog nin labi sa veinte años.

Alagad piglinaw kan lider kan Muslim na pignombrahan siya ni Alcalde Nelson Legacion bilang contractual employee kan ciudad.

Saro sa saiyang misyon na tinaong trabajo kan jefe ejecutivo kan City Hall iyo na aramon an mga pangaran asin pera na an mga nag-eestar digdi maging si mga bagohan na naglalaog sa ciudad na mga Muslim.

Sinabi pa kan MGS na saro sa saindang hinagad na kun ano man na programa o proyecto sa Muslim Community dapat ikonsulta sa sainda.

Alagad kabali sa saiyang trabajo iyo an paghaman nin mga plano asin ano man na iimplementar na proyecto sa saindang comunidad. (DPAureus)