Tigsik

Tigaik ko an pasaherong marhay an ugali Paggawgaw kan plete niya igwa nin patabi Dangan minapasalamat pa pagkua kan uli Iyong dapat pangarugan na mga gawi-gawi

Tigsik ko ining peste sa tawo asin sa hayop Ano daw an mensahe na gustong ipaabot Sa tuya kan Diyos na grabe na an anggot Orog na kun si satanas na an pigtutubod

Tigsik ko man ining problema sa pagbasa Sa mga eskwelahan haloy nang problema Kaagid na ini kan corona virus an sabi daa Na sagkod ngunyan dai na bobolong pa

Tigsik ko inng harayo pang bida pulitika Alagad an mga pulitiko nagkakasiribot na Matapos na an torno ni manoy asin papa Nguhod na aki iyo nang ipig-oplan pakilala

Tigsik ko an mga lalaking igwa nin sambay Kun minahilang minauli sa agom na tunay Serbihan na maisog pa pastidyo pa nin marhay An marhay pa gayod isubol na sa mga piday