Fondo kan DSWD sa SAP tinao na sa LGUs

Ciudad nin Legazpi – An Department of Social Welfare and Development Field Office V nagkumfirmar na sainda nang na i-download sa gabos na 114 lokal na gobierno sa Bicol an piglalangkag na Social Amelioration Program (SAP) asin pigpupunan nang iwaras kan LGUs sa mga benipisyaryo.

Alagad piglinaw ni Director Arnel Garcia na igwang ibang gobierno provincial na nagkaigwa sindang memorandum of agreement sa Capitolyo nganing sinda na an mamahala sa pagwaras kan ayuda hale sa saindang ahencia.

Si Alcalde Eduardo Severo kan Calabanga, Camarines Sur nagpahayag na mayoria kan 35 mga LGUs sa provincia an nagtaong awtorisasyon sa Capitolyo Provincial nganing iyo an magpadalagan sa pagdistribuer kan SAP.

Nag-aabot na sa Php3,861,435.000 an saindang pig-download mantang an ibang mga LGUs nagpupuon nang magwaras kan biyaya hale sa gobierno nasyonal.

An ‘’Bayanihan to Heal as One’’ Act empowers kan gobierno nasyonal may katuyohan na makatao nin emergency subsidy sa 18 milyon na low income families. An subsidiya nagcacantidad nin P5,000 hasta P8,000 sa laog nin duwang bulan nganing makatabang sa mga pagkakan, medicina asin iba pang mga pangangaipo kan lambang benipisyaryo.

Digdi sa rehiyon Bicol, an emergency cash subsidy itatao sa 772,287 ‘’Non-Pantawid poor families’’.

An 315,544 kan 374,627 na mga benipisyaryo kan 4Ps na igwang cash cards nagpuon na nindang marecibe an cash subsidies sa irarum kan SAP kan Abril 3, 2020 na cantidad P3,650.00 cada miembro ini kadagdagan sa rice subsidy na cantidad P600.00 asin health grant na P750.00 para sa bulan nin Abril.