Cooperativa kasurog sa giyera laban COVID-19


Bulusan National Vocational Technical School Multi-Purpose Cooperative nagtatahi nin mga face mask nganing itao sa mga frontliners asin health workers Mass Production of Face Mask to be given to all sa provincial nin Sorsogon ka-partnet an LGU Bulusan asin TESDA..


“Bayanihan”-nakatanom sa puso kan mga cooperativa. Iyo man an giya sa pangengenotan sa pagtabang kaini sa giyera kontra Covid-19 na enterong nagdara nin kahandalan sa bilog na kinaban.

An Cooperative Development Authority (CDA), sa pagpoon kan pagpaluwas kan gobierno national kan Proclamacion Presidential numero 922 kan March 8, 2020, minandohan an mga Kooperatiba sa bilog na nacion sa maegot na pagparticipar kontra sa COVID-19.

Daing tanto, maging sadit o dakulang cooperatiba, orog nang gayo si mga kooperatiba na harani sa mga lugar na kadakul an kaso nin COVID-19, na pakusugon an pagwaras nin tabang sa saindang mga miembros asin sa comunidad. Tinawan doon kan agencia an prinsipyo nin pag makulog sa comunidad bilang saro sa 7 mga prinsipyo na tinotongkosan kan cooperativismo.

Katakod man kaini, an opicina regional kan Biko,l sa pamamayo ni Director Marilu Lourdes Pacao, nagpaluwas nin directiva sa maegot na pagparticipar kan mga kooperatiba orog nang gayo an pag-gamit kan Cooperative Development Fund para makatabang sa komunidad na apektado kan COVID-19.

Sa pag-tao nin doon sa actibong papel kan mga cooperativa sa Pilipinas, an CDA man naghaman nin video-clip o pasine manonongod sa naginibohan kan mga, magin sadit man o dakula, kabali an mga Federacion asin mga union, kan saindang mga actividades katakod man sa laban kontra COVID-19. (CDA BICOL)