Manga infra proj kan DPWH, ipapadagos

Masikad na sa masunod na bulan nin Mayo 2020 an pagpadagos sa implementasyon kan mga proyecto sa infrastraktura sa Kabikolan asin igwa nang direktiva an opisina rehiyonal an Department of Public Works and Highways (DPWH) sa mga district engineers na sugoon na an mga contratista na ipadagos an nasuspending mga patrabajo huli kan Enhanced Community Quarantine (ECQ).

Ini kasunod kan pinaluwas na revises coverage kan ECQ sagcod sa Mayo 15, alagad si DPWH regional director Melvin Navarro naghahalat giraray kan memorandum kan saindang opisina central kan mga giya sa pagbuelta kan mga trabajador nganing ipadagos an nasuspending mga proyecto.

Kabale sa estrictong ipapasunod dapat igwang barracks o eestaran an mga construction workers nganing dai na magparaluwas asin makalikay sa coronavirus disease.

Segun sa Inter-Agency Task Force (IATF) an Bicol kabale na sa mga rehiyon bilang general community quarantine (GCQ) o inaapod na ‘‘new normal’’ na kun haen magkakaigwa man giraray nin ‘‘minimum health standards’’ an dapat sunodon.

Alagad an tinutugotan sana sa GCQ iyo an mga proyecto kan gobierno dai kabale si construksyon si bagong ipapatindog na pribadong edificio.

An DPWH naghinayang kan panahon nin tag-init sa implementasyon kan mga milyones peso proyecto alagad kaipuhan nindang suspendiron huli kan ECQ. (dpa)