Tigsik


Tigsik ko ining tig-init na panahon Makonsumo sa tubig asin sa sabon An parigos aga,udto, banggi,hapon Huruba pa magdamlag, maghapon

Tigsi ko an mga tawong nakakauyit Na an mga ugali kaagid sa mga an-it Pag-asenso kan kapwa ikinababangit Kaya kinakabitan na paibaba nin pirit

Tigsik ko man,kadaklan sa tuya baga Kararatan kan kapwa ta ikinaoogma Dai nangingiri sa gibong dai nin data Matakot sa Diyos ta igwa iyan padusa

Tigsik ko kan mahali an lockdown,ECQ Nagkanarali sa pagrabas an mga tawo Nagkagurubot na nin husto an trapiko Piligro sa buhay na virus bahala kamo

Tigsik ko an padagos na ipigpapautob Mga motorista bawal an suno sa likod Pag-abot sa harong sinda magkadurog Kaya dakol na babayi, an tulak burutog