Bulkan Bulusan sinakat sa alert level 1 kan Phivolcs

Ciudad nin Sorsogon – An Philippine Institute of Volcanology and Seismology (Phivolcs) nagpaluwas nin aviso sa publico na saindang sinakat sa Alert Level 1 status o abnormal na lebelo an Bulkan Bulusan.

Ini kasunod kan na-irehistrong 20 paglinog sa abaga asin palibot kan Bulkan base sa pinaluwas na report kan seismic monitoring network sa nakaaging aldaw.

Sa pinaluwas na volcano bulletin kan Philvocs pig-aatribuer an mga maluyang pagyugyog asin hababaw na hydrothermal o magmatic gas activity sa edificio kan bulkan.

Nagpaluwas nang aviso an Phivolcs sa mga residentes na harani sa bulkan na dai magpumirit na maglaog sa danger zones para man sana sa saindang proteksyon mantang dai hinahale an posibilidad na phreatic eruption sa presenting status na nasa abnormal an kamugtakan kaini.

Naheling man an luway-luway na pag-alisngaw kan puting aso hale sa southeast vent sa abagang parte kan bulusan.