Rinconada area dinayo nin relief operations kan KC Metro Naga


Kinawis Club of Metro Naga dinayo an Rinconada area nganing digdi darahon an saindang relief operations sa mga biktima kan nakaaging calamidad.



Dinayo kan manga miembro kan Kiwanis Club of Metro Naga an banwaan kan Nabua asin Buhi sa Rinconada area kan Camarines Sur ngani sanang tabangan an mga biktima kan sunod-sunod na bagyo sa Bicol.

Si Consejal Sonny Rañola kan Sangguniang Panlungsod kan Ciudad nin Naga, miembro kan KC Metro Naga nagpahayag an saindang grupo na pinamamayohan ni Norita Martinez Badong napili an duwang banwaan sa Rinconada area nin huli ta dakula si destroso asin apektadong residentes kan nakaaging bagyong ‘‘Rolly’’ asin ‘‘Ulysses’’ na kaipuhan an tabang sa mga barangay.

An saindang relief operations katuwang an Kiwanis Club of Polangui sa pamamayo kan saindang Gobernador Rafael Lo.

Nagpahayag nin kaogmahan asin pasasalamat an mga biktima kan nakaaging calamidad nin huli ta dinayo an saindang lugar kan relief operations kan KC Metro Naga.

An bagong opisyales naasumir palang sa puesto kan Oktubre 1, 2020 asin an saro man sa saindang proyecto sa tahaw kan krisis sa pandemya iyo an pagtabang sa Missionaries of the Poor sa Barangay Cararayan, Ciudad nin Naga.