21 NPA nagsuko sa Phil. Army

Apektado na an rebeldeng New People’s Army sa Bicol sa tahaw kan sunod-sunod na combat operations, padagos na nagsusuko sa gobierno bitbit an saindang mga decalibreng armas.

Si Major Paul John Belleza, opisyal na parataram kan 9th Infantry Division kan Philippine Army na may base sa Camp Elias Angeles, San Jose, Pili, Camarines Sur nagpahayag kan nakaaging Enero 20, 2022 maabot sa 21 miembros kan Communist Terrorist Group (CTGs) hale sa Ciudad nin Ligao an nagsuko sa 49th Infantry Division asin sa 902nd Infantry Brigade.

Sinda compuesto kan sampolong regular na CTGs, anom na miembros kan Sagñay ng Partido sa Komunidad asin limang Melisya ng Bayan (MP).

Bitbit an manga armas na kinababalehan nin M-16, sarong shot gun, duwang calibre 45, asin calibre 38.

Katuyohan kan grupo na magbalik sa gobierno huli kan inaagihan nindang kapagalan mayo man nangyayari apektado pa an futuro kan saindang mga familia.

Sinabi pa kan 9th ID dai palang nahahaloy igwa man nagsurukong mga rebelde asin saindang armas hale sa Sorsogon asin Masbate.

Nagrarani na an eleksyon dai mahahale na posibleng nag-aandam an mga rebelde sa pag-imponer kan permit to campaign asin permit to win alagad dai nakakabuelo sa tahaw kan sunod-sunod na combat operations laban sa mga kalaban kan gobierno.

Makakatabang sa panahon kan eleksyon an sunod-sunod na pagsuko kan mga activong miembro kan CTGs nganing maging matuninong an pirilian lokal asin nasyonal sa Mayo 9, 2022.

An armadong rebelde nagpapaheling kan saindang fuersa kun madali na an eleksyon alagad dai sinda tinatawan buelo kan militar na sinasabat man nin combat operation.