229 mga double registrant sa Naga, binasura kan Comelec

Tanganing maseguro na posibleng maging flying voters sa pirilian sa Mayo 2025, docientos veinte nueve (229) double registrant na nagpalista sa Commission on Election (Comelec) binasura an saindang pangaran sa ginibong Election Registration Board (ERB).

Sinda rehistrado na komo botantes sa ibang mga banwaan o ciudad alagad nagpalista pa sa Comelec Naga nganing makaboto digdi sa midterm elections sa 2025.

Dai na makakalusot sa ahencia an mga double registrant mantang madali nang mahanap asin sa mga ginibong ERB hearing nadiscobre na rehistrado na sinda sa ibang lugar.

Sinabi ni Atty. Maico Julia Jr. Election Officer sa Ciudad nin Naga kabale pa sa binasura sa listahan iyo an 552 na nagbalyong lugar, 287 garadan na, asin 15 overseas na maabot gabos sa 500 an mayo na sa listahan kan Comelec Naga.

An voter’s registration nagpoon kan Febrero 12, 2024 asin nagsara kan Septiembre 30, 2024.

Sa nagtapos na pinal na listahan matapos sernihon sa ERB hearing igua nang total na botantes an ciudad sa 121,773.