24 ECs nagpadara nin mga linemen sa Catanduanes

An Bicol Electric Cooperatives (BECA) asin veinte tres pang mga electric cooperatives (ECs) hale sa ibang mga provincia an yaon ngunian sa islang provincia nin Catanduanes nganing magtabang para sa rehabilitasyon kan mga linya asin mapakaskas na maibalik an suplay nin kuryente kan First Catanduanes Electric Cooperative matapos magulpi kan bagyong Pepito.

An Catanduanes tinamaan kan super typhoon asin dakula si mga destroso sa poste asin mga linya. Sa paagi kan Task Force Kapatid teams kan BECA asin iba pang mga cooperativa nin electricidad makakatabang nganing para sa power restoration.

Laen kan pinadarang mga linemen, kumpleto nin sasakyan siring kan boom truck, vehiculo sagcod iba pang mga kagamitan mantang igua sindang mga kanya-kanyang banwaan para maibalik an suplay nin kuryente.

An iba pang mga cooperativa na nagtatarabang-tabang iyo an Bohol Region, Calabarzon, Mimaropa, Association of Southern Tagalog Cooperatives, Federation of Rural Electric Cooperatives sa Rehiyon 8.

Maabot sa 200 na line workers hale sa ibang mga ECs mantang an BECA kumpuesto nin 42 na Task Force Kapatid.

An apat na ECs hale sa Camarines Sur na kumpleto nin gamit para sa power restoration.

An Philippine Rural Electric Cooperatives Association, Inc. (PHILRECA) asin National Electrification nagsusuporta sa ECs sagcod nagmo-monitor nganing maibalik an suplay nin kuryente.

Magigirumduman kan aagihan nin calamidad an Camarines Sur dakul na mga ECs para sa pagtarabangan o inaapod na ‘’Bayanihan’’.

Task Force Kapatid kan Casureco II kabale sa grupo nin mga cooperativa nin electricidad na nagtatabang sa power restoration kan FICELCO sa Catanduanes.