35 escuelahan apektado sa pag alburoto kan Mayon

Nagdesisyon an Department of Education (DepEd) sa Albay na ibuelta sa modular learning an 35 mga escuelahan na apektado kan padagos na pag alburoto kan Volcan Mayon.

Kabale digdi si duwa na yaon sa laog kan 6 kilometer permanent danger zone asin pito sa extended 7 kilometer danger zone.

An iba sa mga nakabaling escuelahan ciertong hahagopon an lugar oras na maging makuri an kamugtakan kan pag alburoto kan bulkan.

Sinabi ni DepEd regional director Gilbert Sadsad na hasa na an mga escuelahan kan pagbuelta sa modular learning mantang pig-implementar ini nin duwang taon kan ahencia huli kan Covid-19.

Afuera pa kaini, igwa nang learning contingency plan an mga escuelahan oras na magsabog an bulkan.

Namumundo an magurang asin estudiantes sa desisyon kan Albay DepEd alagad mayo sindang magiginibo para sa proteksyon sa salud kan kaakian.

Ibabalik sa face-to-face an klase oras na maging normal na an Volcan Mayon alagad dakula an posibleng aboton pa an mga nakatalaan na graduation rites sa masunod na bulan nin Hulyo mientras na an enrolment period mapuon sa enot na semana kan Agosto 2023.

Sinabi pa kan DepEd marhay ngani natapos na si saindang pigtalaan na early registration kan Hunyo 10. Labi sa 300 mil an nakapalista nin amay.