40% sa empleados kan DepEd may sentomas sa Covid

Na-aalarma an DepEd sa Ciudad nin Naga sa mga tinatamaan nin caso kan Covid-19 huli ta igwa nang mga sentomas sa virus an saindang mga empleados mantang an iba sa sainda na-expose sa nagpositivo.

Ngunian na semana 884 o cuarenta porciento kan 2,660 empleados kan DepEd Naga an may mga sentomas sa virus mantang an anom an positivo sa Covid-19. Sa saindang datus igwa na sanang .9 por ciento an dai pa nagpapabakuna asin luway-luway nang nabebensir si negativo sa bakuna.

Si Dr. Manny De Guzman, School Division Superintendent nagsabi huli kaini, kaipuhan niyang suspendiron an mga klase online classes maging sa modular learning/distance learning, epektibo ini kan Enero 17 hasta Enero 22, 2022 alagad puede pang eextendir depende sa panahon.

Tinutugotan sana an 60 por ciento capacity na dapat maglaog sa opisina nganing dai mag-urulakitan empleados man o paratukdo para sa saindang proteksyon sa salud.