41 escuelas publica sa Nagabuelta na sa F2F classes

An gabos na escuelas publica sa Ciudad nin Naga balik na sa classroom an mga estudiante alagad limited face-to-face classes (F2F) pig-iimplementar kan Departamento de Edukasyon sa ciudad.


Dawa yaon sa alert level 1 an ciudad alagad yaon pa an pandemya, dai pa mangyayari an full face-to-face classes, sabi ni City School Superintendent Manny De Guzman.


Sinabi pa an Panicuason Elementary School iyo an pinakaenot sa in person classes kan Deciembre 2021 mientras na si iba igwa pang nakapuon kan Marso asin Abril.


Afuera pa kan escuelas publica maging an mga pribadong escuelahan sa elementarya asin segundarya nagbabalik na sa limited F2F.


An DepEd Naga igwang 41 mga escuelahan mantang an 12 digdi secondarya asin 29 elementarya alagad limitado an cada classroom sagcod sana sa 20 estudiantes nganing masunod an social distancing.


Sinabi ni De Guzman nahasa an mga paratukdo sa dobleng trabajo igwang in person classes saka suhay man an distance learning modality.


Dawa doble an trabajo kinakaya na kan mga paratukdo an importante padagos an klase kan mga estudiantes sa panahon kan pandemya.


Si mga nakaka-atendir sa in person classes igwang kasuratan hale sa saindang magurang o guardians na tinutugotan ninda an aki na mag-atendir na sa klase sa classroom.


Estrictong pinapasunod an health protocols dawa mayo nang caso kan Covid- 19 sa ciudad asin sa alert level 1 dai pa natutunaw an virus.


Dinagdag pa ni De Guzman an burokasan nin klase para sa masunod na school year 2022-2023 posibleng sa bulan nin Agosto 2022 alagad mahalat man giraray sinda sa magiging desisyon kan bagong matukaw na administrasyon.


Igwa nang mga escuelahan nagkaigwa na kan saindang limited graduation exercises mantang an iba pig-aandaman para sa bulan nin Hulyo 2022. (dpa)