top of page

5 anyos na aking lalaki ginutgotan sa liog, gadan

Sarong cinco anyos na lalaki sa Barangay Lapurisima, Ciudad nin Iriga an ginotgutan sa liog kan saiyang pinsan na nadara pa sa hospital alagad pigdeclara kan doktor na binawian na nin buhay.


Sa imbestigasyon kan Iriga City Police Station sinabi kan saindang spokesperson Capt. Bella Cereno an insidente nangyari mga alas 12:25 nin hapon kan biglang maglaog sa residencia kan biktima an 25 anyos na suspechado na may bitbit nin patarom na iyo an ginamit nganing gutgotan an liog kan biktima.


An krimen naheling pa kan saiyang mga mahal sa buhay asin pinsan na nabisto na tolos pinaabot sa PNP. Huli kaini, nakaresponde tolos an mga miembros kan Iriga Police Station sagcod dagos nang inarestar.


Dai naman sinabi sa imbestigasyon kun ano an motivo sa krimen.

Opmerkingen


bottom of page