5 binawian buhay sa kasulo sa mercado publico kan Sorsogon City

Tolong lalaki tindero saka mag-ina an binawian nin buhay sa nangyaring kasulo sa Mercado Publico kan Ciudad nin Sorsogon kan Sabadong banggui, Oktubre 24, 2026.

Sa imbestigsyon kan Bureau of Fire Protection an kasulo nagpoon mga alas 11:00 nin banggui na tolos nagresponde an mga bombero alagad marikas si laila kan kalayo sagcod na iguang mga biktima na dai nakaluwas sa laog kan saindang tiendahan na iyo an nakuang gadan kan personahes kan BFP.

Sa operasyon kan BFP sa laog nin nagkaperang oras an kalayo nagkalma alas 2:25 nin maagahon kan Domingong aga. An insidente nagresulta kan pagkakagadan kan limang biktima na dai na nginaranan kan mga awtoridad. An mga biktima mga paratienda sa mercado, trahabadores asin iba pang persona na inabotan nin marikas na laila nin kalayo.

An mga imbestigador kan BFP Sorsogon padagos pa an ginigibong pag-aram kun ano an dahilan kan marikas na kalayo mantang padagos pang inaaram an cantidad kan danyos.

An BFP padagos kan saindang patanid sa publico na bako lang fire month dapat maglikaw sa kasulo alagad orog na ngunian na panahon nin El Niño na delicado sa insidente nin kalayo.