6 municipalidades declarado nang ‘‘drug cleared, drug free’’

Pili, Camarines Sur --- Anom na mga municipalidades sa Bicol declarado nang ‘‘drug cleared and drug free’’ base sa desisyon kan Regional Oversight Committee durante sa ginibong online deliberation kan Hulyo 27, 2023 sa SP Hall, kan Kapitolyo Provincial sa banwaan na ini.

Kinumfirmar ni PDEA Director Edgar Jubay, ROC BDC Chairperson an mga municipalidades na kabali digdi iyo an Milaor asin Balatan, parejo kan provincia nin Camarines Sur asin Bagamanoc, Pandan, Panganiban saka Viga, gabos sa provincia nin Catanduanes na kabali na sinda sa 19 drug cleared municipalidades sa rehiyon cinco.

Kabali sa nagparticipar sa deliberasyon iyo sinda Director Aida Ferolino, BDCP Supervisor na presente si PDEA Camarines Sur IAV Mark Anthony Viray, Provincial Officer.

Kabali sa pigdeclara kan komite iyo an 22 na mga barangay sa Albay, Camarines Sur saka Camarines Norte komo drug cleared. Sa Presente igwa nang 2,48 an delarado asin 545 an sagcod sa ngunian apektado kan ilegal na actividad.

Dinagdag pa ni Jubay sa ngunian igwa nang maabot sa 70 Balay Silangan Reformation Centers sa Rehiyon Bicol.

Sa lado kan supply reduction, segun pa sa director an PDEA padagos kan saindang higot na kampanya laban sa droga katuwang an PNP saka iba pang ahencia.

Plano kan ahencia na si nagtapos na sa Balay Silangan dapat matabangan nganing magkaigwa nin trabajo na makakatabang sa saindang dagos nang reforma.

Pasalamat an PDEA sa mga LGUs asin iba pang ahencia sa suporta nganing an saindang mga lugar madeclarang drug cleared.