7 taon na pagpangadie ki Delima nangyari na

Ciudad nin Iriga --- Naging emotional alagad nagrurukyaw nin kaogmahan an familia De Lima matapos kan saindang pitong taon na pagpangadie na makua an tunay na justicia ni dating DOJ Secretary asin Senador Lelia De Lima temporaryong tinugotan kan jusgado na makapiyansa sa caso sa ilegal na droga.

Si Jess De Lima, tugang kan senador nagsabi na ogmahon an saindang familia asin suportadores kasunod kan release order na binaba kan Noviembre 13 ni Juez Gener Gito kan Regional Trial Court Branch 206 sa Ciudad nin Muntinlupa.

Nagbisita na si dating senador Leila sa saiyang 91-anyos na ina asin pamilya sa saindang residencia sa Ciudad nin Iriga kasuodma (November 15).

Tolong caso sa ilegal na droga an sinangat kontra sa saiya kan panahon ni dating administrasyon Duterte alagad saro nalang an nawalat sa RTC Branch 206 matapos ibasura na si duwang caso sa ibang RTC huli kan kawaran nin pusog na mga evidencia.

An mga testigos kontra sa dating senador kadakli mga preso hali sa National Bilibid asin kadakli kan ibang mga nagtestigo nagbarawi na huli ta dai maako kan saindang konsiyensiya.

Anom na taon, walong bulan asin 21 diyas nakaluwas na sa Custodial Center kan PNP asin sa saiyang press conference nagpahayag nin pinapasalamatan an BBM administration sa pagrespeto sa ‘‘Independency of the judiciary and the rule of Law’’.

Sa mensaje ni Atty Leni Robredo sa saiyang FB account sinabi kaini ‘‘Pinatunayan muli ngayon na walang basehan an mga paratang laban kay Senador Lelia. Ang lahat ng mga paninira at panggigipit na naranasan niya sa loob ng halos pitong taon ay bunga ng kaniyang pangangahas na tumindig para sa tama – para sa ating mga kababayan.’’

Masaya ako na sa wakas ay namayani ang hustisya at makakapiling na natin nang malaya si Sen. Lelia. Tagumpay iyo hindi lang para sa kaniya, kundi para sa ating bayan, sabi pa kan dating bise presidente.

An Sangguniang Panlungsod kan Ciudad nin Iriga nagsusuporta sa dating senador mantang dai sinda nagtutubod sa mga caso na sinasahot laban sa saindang kababayan. (DPA)