7K kapupulisan iwawarak ngunian na panahon nin Pasko

Preparado na an Camp Simeon Ola, Ciudad nin Legazpi nganing iwarak an 7,000 na kapupulisan sa Bicol para sa ngunian na holiday season tanganing maseguro an paz y orden.

An police visibility sa rehiyon cinco misyon sa liderato ni PGen Andre P. Dizon na dapat yaon an fuersa na maging safety an comunidad na kabale sa dedestinohan nin mga awtoridad iyo an mga simbahan, mall, terminal, airepuerto, pantalan, sa mga sentro na kun haen yaon digdi an mga establisimiento komersyal asin dakul an mga tawo parte kan saindang estratihiya sa crime prevention.

An dugang na mga kapupulisan kabale sa saindang gigibohon iyo an foot asin motorcycle patrols, magkakaigua pa nin oplan sita maging makaskas an pag-responde kan mga pulis sa ano man na insidente, sabi pa ni Dizon.

An panahon nin Pasko ribo-ribo an piglalaoman na ma-shoping mantang panahon nin bonus nin empleados sa pribadong sektor asin gobierno.

Sinabi pa kan Bicol PNP na an estratihiya sa pagwarak nin kapupulisan naprovaran na ninda sa mga nakaaging actividad sa mga fiestahan asin iba pang darakulang okasyon.

Piglalaoman kan PNP an cooperasyon kan comunidad o residentes nganing pakusogon an paglaban sa ano man na kriminalidad.