top of page

7k nagpalista sa Comelec Naga sa laog nin 3 bulan

An pagrani kan Commission on Election (Comelec) kan saindang personajes sa barangay nakakatabang tanganing maabot an 7,091 registrants sa Ciudad nin Naga poon kan Febrero 12 hasta Mayo 13, 2024.


Si Atty. Maico Julia Jr. Election officer kan ciudad nagpahayag na sunod-sunod an saindang satellite registration asin sa pinakahuring nabisitang barangay sa nagpapadagos na voters registration sa Barangay Sabang – iguang 154, sa Barangay Pacol – 241, San Felipe – 51, asin Barangay San Francisco – 36. Afuera pa kaini, igua nang nakatalaan na iba pang mga barangay nganing digdi na magpalista envez na magpasiring pa sa opisina kan Comelec sa City Hall.


Kan nakaaging Barangay asin Sangguniang Kabataan Elections an ciudad iguang 120 rehistradong botantes mantang sundo pa sa Septiembre 30, 2024 an pagpalista.


Ginigibo ini kan commission bilang pag-andam kan maabot na midterm elections sa Mayo 2025.


Sa isyu sa posibleng iuktaba an Barangay asin SK elections sa 2026, sinabi kan Comelec na yaon an bola sa Congreso kun liwat naman nindang eenmiendahan an ley.


Nasa poder kan congreso kun isisibog naman an pirilian alagad dapat magsunod ini sa naging desisyon kan Corte Suprema.


Si 2nd district Congressman LRay Villafuerte kan Camarines Sur nagsunad nin House Bill 10344 na nagtutulod isibog an pirilian sa Oktubre 2026.

Comments


bottom of page