832 na delagado kan Bicol andamna sa Palarong Pambansa 2026

Abot sa 832 na delagado kan Department of Education (DepEd) Bicol na kinababalehan nin atleta, coaches, sports official asin iba pa an nag-abante na pasiring sa Agusan del Sur para sa nakatalaan na Palarong Pambansa 2026 na gigibohon sa Mayo 24 hasta Mayo 31, 2026.

Si Franciso Dexter Sison, Sports Officer kan rehiyon Bicol nagsabi na nag-agi sa mga training an mga atleta sa Bicol asin andam na nganing isabak sa kumpetisyon sa Palarong Pambasa.

Sinda iyo si mga nag-champion sa Palarong Bicol na awtomaticong marepresentar kan rehiyon para sa Palarong Pambansa.

Pasalamat an opisyal sa bilog na suporta ni Regional Director Gilbert Sadsad, mga school superintendents, asin lokal na gobierno na nagtaong tabang pinansyal.

Dawa na ngani dai man naglalaom na maging over-all champion an atleta kan Bicol alagad naglalaom an sports officer na igua man giraray mapupuling mga medalya.

An Palarong Pambansa 2026, paparticiparan kan 18 rehiyon hale sa Luzon, Visayas, Mindanao na kinababalehan kan NCR, CARAGA, Ilocos Region, Cagayan Valley, Central Luzon, CALABARZON, MIMAROPA, Bicol, Western Visayas, CVIRAA, Eastern Visayas, Zamboanga, Northern Mindanao, Davao, Soccsksargen, Caragold of Caraga, Visayas, asin BARMM.