9th ID mantinido an pagiging ''non partisan''

An AFP nag-asegurar sa mga Bicolano na padagos sindang ‘‘loyal, professional and non partisan’’ sa tahaw kan pangapodan ni dating Presidente Rodrigo Duterte sa militar na maghiro na huli kan inaapod niyang ‘‘fracture governance’’ an presenting administrasyon nasyonal.

Si Army Major Frank Roldan, opisyal na parataram kan 9th Infantry Division kan Philippine Army sa Bicol nagpahayag na sinda sa AFP na professional an saindang orginasyon asin naninindugan sa ‘‘democratic institution’’.

An mga soldados particularmente si enlisted personnel dai basta maiba dai na basta maeenganyar sa saindang personal na asperasyon. Nagcierto pa na nongca sinda masuporta sa katuyohan pampolitica.

Naenot kaini, an Malacañang nagsabi na an pangapodan ni Duterte sarong insulto sa AFP.

An 9th ID sa Bicol padagos kan saindang trabajo laban sa Communist Party of the Philippines/New People’s Army (CPP/NPA) nganing taposon na an problema sa kumunista sa rehiyon. Dakul na an nagsurokong rebeldeng NPA asin natatabangan pa kan gobierno.

Dai palang nahahaloy si AFP Chief Romeo Brawner Jr. nagpagirumdum sa gabos na personaje kan militar na imantenir an pagiging professional asin loyal sa konstitusyon asin isikwal an ano man na isyu political.

Sa lado kan Bicol PNP sa pamamayo ni P/BGeneral Andre Dizon nagcierto na dai sinda maeenvuElto sa politica.

Mantenido na neutral an saindang organisasyon asin loyal sa konstitusyon.

Mga soldados kan 9th ID. (Retrato: 9th ID)