top of page

ACM Roadshows sa mga brgy kan Naga pataposon na

Tinapos na an ginibong Automated Counting Machine (ACM) roadshow sa mga barangay kan Ciudad nin Naga para sa voters’ education campaign kan Comelec nganing idemonstrar sa mga residentes kan barangay an paggamit kan makina mantang nagrarani na an midterm elections sa Mayo 12, 2025.


Sinabi ni Abogado Julia Jr. sa ginigibo nindang paglibot sa mga barangay kan ciudad an dakul an nagpaparticipar na opisyales de barangay, barangay workers, paraoma asin residentes huli ta naiiba an saindang ACM kun ikukumpara sa mga nakaaging pirilian. Laen pa kaini, resado na interesado an mga taga barangay kan bagong makina na piglalaoman dakul maparticipar nganing makaboto sa Mayo 12, 2025.


An Comelec enot nang nagkaigua kan saindang sarabay na ACM Roadshows sa nasyon kan Deciembre 2, 2025 asin pigpadagos ngunian na Enero 2025.


Gabos na mga Comelec sa mga banwaan kan Camarines Sur nagkukunducir kan kaparejong voters’ education nganing dai sinda madificilan sa paggamit sa panahon kan pirilian.


Bako lang ipaheling ninda an bagong ACM alagad tinutokdo an tamang proceso sa pagboto asin paggamit kan makina.


Iguang ‘‘14 inch touchscreen, privacy screen, faster scanning capabilities, receipt, cutting, features, and abilility to transit result instantly,’’ sabi pa ni Julia.


An campaign period sa mga candidato nasyonal masikad sa Febrero 12 mientras na sa mga candidato lokal sa Marso 28, 2025.

Comments


bottom of page