Akos Kadi

Tigsik ko an buradol

Nagparalayog maghapon

Pagkabangging madiklom

Nagin sarong bituon!

Tigsik ining irago

Hinaklab an seksing pato

Luminitad sa tinampo

Naligis, runot an apdo!

Tigsik ko an mansana

Kan kinagat ni Eva

Si Adan nataranta

Biglang nakasuruka!

Tigsik ko an cadena de amor

Isinalpak sa puro kan canyon

Nagsabog, puminurak an parong

Gabos na nakasangab nakahuyom!

Tigsik ko an Burak kan Paloyon

An hawak panopano nin borloloy

Pahiyadhiyad kan piad, seksihon

Alagad rurugba man palan an baloy!

Tigsik ko an mga akos kadi

Daeng ontok an ngisi-ngisi

Tian an, aw masimot, mapeste

Nakasinghot na naman nin rugby!