Aksidente sa trafico aroaldaw sa Naga City

Sa tahaw kan pagdakul nin mga vehiculos sa Ciudad nin Naga alagad aroaldaw man an mga aksidente sa trafico alagad nagbababa an mga insidente.

Pigbuyagyag ni City Director P/Col. Erwin Rebellion kan Naga City Police Office (NCPO) sa miembros kan media kun dati nag-aabot sa pito hasta walo an daily average sa ngunian nasa tolo hasta apat nalang an caso aroaldaw.

Nagtutubod an City Director na poon itugdas niya an One-Time Big-Time (OTBT) naghuhuros an mga aksidente sa tinampo dagdag pa an saindang grupo kan police visibility aroaldaw na nakawarak sa centro de negosyo.

Kun yaon an presencia kan mga awtoridad sa tinampo nababawasan an aksidente sa trafico.

Sa premirong siyam na bulan kan 2023 base sa datus kan Land Transportation Office (LTO) uminabot sa 699 caso asin onse mga binawian buhay huli sa road crash.

Dakul na mga tsuper an nagproceso na kan renewable asin nagkua nin lisensiya sa pagmanijo sa LTO matapos madakop sa OTBT checkpoint na nagmamanijo na mayong lisensiya asin napipipiritan na magpa-LTO maging pag-renew kan car registration, sabi pa kan City Director.

Katuyohan kan saindang OTBT iyo an kampanya sa road safety asin madakop an mga nagbabalga sa leyes sa trafico.

An sinambit na grupo kan NCPO kumpuesto nin mga miembros kan LTO law enforces, Highway Patrol Group (HPG) asin Public Safety Office (PSO). Saindang estrictong na-iimplementar an ordinansa sa trafico maging an RA 4136.