Alcalde Baldo nagsuko na sa PNP

Daraga, Albay --- Nagsuko na sa PNP si Alcalde Carlwyn “Awin’’ Baldo kan banwaan na ini kaiba an saiyang tugang na Alcalde Carlos Baldo kan Camalig, Albay sa MPS Camalig na iyo an voluntad na nag-iba sa jepatura mga alas 11:00 nin bangui, Agosto 26, 2023.

Pagkaaga Agosto 27, kinua na siya kan grupo kan CIDG na iyo an may mandamiento de aresto sa alcalde asin pinasa sa MPS Daraga na dagos nang pigdetenir sa karcel.

Sa saiyang statement sa FB page ‘’Indi na bago an personal kong piga-agyan ngana. Arog san dati, magarespeto kita sa desisyon san korte’’.

An alcalde nag-aatubang nin duwang casong murder na iyo an mastermined sa pagbadil gadan ki AKO Bicol party list Rep. Rodel Batocabe asin police escort M/Sgt. Orlando Diaz kan Deciembre 22, 2018.

Nangyari an panbabadil sa duwang biktima kan Deciembre 22, anom nang taon an nakakaagi mientras nagkakaigua nin Christmas party an mga senior citizen sa Barangay Burgos, Daraga.

An arrest warrant ki Baldo pinaluwas ni Presiding Judge Acerey Pachero kan RTC Manila kan Agosto 21, 2024 na pinapaaresto an alcalde huli sa 2 counts of murder sa casong paggadan ki Batocabe asin sa police escort.

Bigla siyang nawara sa opisina matapos maaraman an arrest order alagad nagsuko man giraray kaibanan an saiyang tugang

Si Bise Alcalde Jungie Jaucian, ‘by operation of law’ siya nag-asumir bilang acting mayor kan LGU Daraga.