American Soldier Nagpakagurang Sa Bikol

Magayon palan an istorya kan lolo ni Mr, Howard Tate, ang nabistong Amerikano na Bikolano. Si Howard Tate, na tubong Iriga City alagad haros digdi nagdakula sa Ateneo Avenue kaya bistado siya kan mga Atenista asin kan mga Naguenio. Sa samuyang pag ulay ulay sa Kantong Putikon, naihapot ko Saiya kung papano napadalagan sa bikol an saiyang Ama na sarong Amerikano. Ang saindang lahi nagpoon sa saiyang lolo na si Reuben Tate, na ang tunay na espeling kan apelyido “Taite”. Si Reuben antes pang naglaog ang 1900, saro siyang soldados kan amerika na nakipag laban durante kan American-Spanish War duman sa kadagaan kan Cuba. Durante man kan Philippine-American War, na assign si Reuben duman sa Central Luzon, mala ta kan matapos ang giera kan mga Pilipino asin Amerikano nakapangagom si Reuben Taite sa sarong magayon na filipina na tubong Pangasinan. Pagkatapos kan Phil-Am War, pinapabalik si Reuben sa Amerika, alagad mas ginusto ni Reuben ang magtener sa Pangasinan. Nagdesisyon si Reuben na mag permanente nang mag istar sa Pilipinas ta nagustuhan niya ang ugali kan mga Pilipino asin nakalaog siya bilang kontratista sa Manito Albay. Pinagsayumahan ni Reuben an ofreser kan saiyang ina na magpuli na sa Amerika ta siya ang mag asikaso kan ginatos na hektarya nin mahiwas na daga. Mas ginusto ni Reuben ang magtener sa Ligao Albay ta mas mayaman daa ang Pilipinas keysa sa Amerika. Maogma ang buhay ni Reuben sa Ligao Albay kaiba an saiyang esposa asin mga kaakian. Ang harong ni Reuben Tate saro na ngonian sa pig papasyaran nin mga cultural groups ta ini nakatindog pa sa centro kan Ligao asin gibo sa mga mahibog na Narra asin hamorawon na kahoy. Haros nag gurang si Reuben kaiba an saiyang familya sa Ligao na dara ang ugaling bikolano maski ngani dai nanggad ini nagtaram nin bikol. Saro sa mga aki ni Reuben Tate iyo ang ama ni Howard Tate na nakapangagom nin taga Iriga. Si Senyor Tate nagtrabaho nin administrador kan inot na Alatco napag rugaring man nin amerikano. Sa pakiki halubilo ni Reuben sa mga bikolano, parati niyang pinag iistorya ang naiibang karakter kan mga Pilipino na maisog sa giyera asin tunay na palaban, alagad ang mga Pilipino tunay na maboot asin mainamigo kung kaya pagkatapos kan Phil-Am War, mas pinili ni Reuben an mag istar, magpaka gurang asin Magadan digdi sa Kabikolan.