An Naagrabyadong Agom sana an Puwedeng Magfile nin Kasong Adultery

Sa irarom kan Article 344 kan Revised Penal Code, an kasong adultery dai puwedeng magpadagos kun an reklamo bako mismo naifile kan naagrabyadong agom.

Sa sarong bagong desisyon, Chua-Chiba vs Chiba and Llona, piglinaw liwat kan Korte Suprema na dai sapat na an kaso ifile kan authorized representative. An pagfile kan reklamo sa adultery sarong personal na karapatan na dai puwedeng ipasa sa ibang tawo.

Base sa Korte Suprema, an legal requirement na ini pigtakda kan batas bilang konsiderasyon sa naagrabyadong agom, ta posibleng mas pilion niyang tioson na sana an nangyaring paglapastangan sa saiyang dignidad kaysa mag-atubang sa kasusupgan asin eskandalo na kaakibat kan pampublikong paglitis.

An simbag na ini para sana sa pankagabsan na impormasyon asin dai dapat ituring na legal advice para sa partikular na kaso.

Kung may mga kahaputan, mag email sa ihapotkiattorney@gmail.com.