An Protestante Kong Agom

NAMUNDAG asin pinadakula ako na sarong Katoliko Romano. An agom ko namundag asin pinadakula na sarong debotong Protestante.

Nag dakula akong kumbinsido na an Kotolikong Simbahan iyo lang an Saro, Banal, Apostoliko, Totoo, asin iyo lang an paagi na maka pasiring kita sa langit. Nag adal kita nin Katekismo saka Biblia nganing depensahan an satuyang Simbahan contra sa mga Protestante asin ibang relihyon. Tinatapos ta an mga argumento asin mga debate pag sinabi ta na “heresiya iyan!” Sa luwas kan Katolikong Simbahan mayong ibang relihyon an makaka salbar satuya. Sa halipot na tataramon, saro akong “saradong Kotoliko.”

Sa ibong na lado, maray-rahay asin magayon an pag hiling ko sa antigong adal na Protestante kong agom. Natubod siya na an mga lalake an pamayo kan pamilya arog ki Ruth sa Biblia.

Pero pag abot kan tema sa relihyon, an misyon ko sa buhay iyo an pag kombertir kan agom ko sa sakuyang relihyon.

Kada Domingo kaidtong nag iilusion pa lang ako sa magigin agom ko, dinadara ko siya sa mga simbahan Katolika. Minsan dinadara ko siya mag simba duman sa magayunon na simbahan Saint Patrick na pig mimisahan kan mga Kardinal na hinanangaan ko arog kaidtong depuntong Kardinal O’Connor kan NY. Gusto kong maumaw asin mahiling niya an kakusugan asin kagayunan kan sakuyang Simbahan. Pero mayo man lang akong namatean na senyales na interesado siya na magin Katoliko.

Sarong aldaw na Domingo nagin osioso ako asin nag iba ako saiya sa pag atender niya sa simbahan ninda. Nag duman kami sa itong pig aapod na Marble Collegiate Church sa lumang simbahan ninda duman sa 5th Avenue sa Manhattan.

Nangalas ako asin dae ako maka tubod na kan aldaw na idto si nag sermon na pastor iyo itong hinahangaan kong parasurat na si Norman Vincent Peale. Siya an nag surat kan “The Power of Positive Thinking” na paborito kong libro. Magayunon na marhay si sermon niya.

Napa hanga ako sa eksperyensa ko kan Domingong ito kaya nag iba otro ako saiya kan sunod na Domingo. Nag duman kami sunod sa Rutgers Presbyterian Church sa Manhattan na harani sa apartment kan maa-agom kong si Delia. Napa hanga man ako sa sermon kan Pastor na si Dr. Cyril Jenkins.

Pagka tapos kan serbisyo pina bisto ako ni Delia ki Pastor Jenkins.

“I’m a Roman Catholic, Pastor.” Huna ko ma mundo si itsura kan lalawugon niya sa sinabi ko.

“Cardinal O’Connor and I were classmates in the seminary.” Si maogmang simbag niya sakuya.

Nag ulay ulay kami asin napa ngisi ako kan na araman ko na si Pastor Jenkins palan idtong “padi” na nag kasal kay Miss Piggy saka Kermit the Frog duman sa Hollywood na pelikulang “The Muppets Take Manhattan.” Si Pastor Jenkins man an nag kasal samuya pero tunay na kasal ito.

Maski arog na kaini an mga nangyayari dae pa ako nag suko sa pag dagos na ma konbertir si Delia sa relihyon ko.

Pero kan may aki na kami garo nag luya si misyon ko na ma kombertir si Delia. Si “mission” ko garo nagigin “mission impossible” na. Pirmi ko kaya na o-obserbaran na buru-bangi binabasahan ni Delia si aki mi nin Biblia. Pirmi niya man ini-istoryahan nin mga manunungod sa pagka moot satuya kan Diyos na si Hesu Kristo. Pano ko kaya posibleng ma kombertir ini? Dios ko, kaipuhan ko po nin tabang sa misyon na ini. An sabi ko sa sadiri.

Kan mga panahon na ini na baretaan ko na mahapit sa New York pasiring sa Roma si dati kong propesor sa Teolohiya na si Father Rolly Bonoan. Gusto daa ako mahiling ni Father Rolly kan naaraman niya na nasa NY ako.

Dios Mabalos po. Simbag ini sa mga pangadye ko. May ma tabang na sakuya sa pag kombertir ki Delia. “Operation Conversion” na ini.

Dinara ko si Father Bonoan sa harong mi asin maray si iristoryahan mi. Naugma man si Father kan naaraman niya na taga Malabon si Delia ta duman daa sinda nag evacuate kan panahon nin Hapon. Haloy man si istoryahan ninda.

Kan nag luto na si Delia nin mga maka kakan mi, dinara ko nguna si Father nganing mag siesta saka pahingalo sa sarong kwarto mi. Tamang tama ini. Oras na nganing mag hagad nin tabang.

Kan nadangog ko na mata na si Father nag tuktok ako sa kwarto asin sabi ko naka handa na an mirienda. Pero an totoo gusto ko nguna makaulay siyang konpidensyal.

“Kumpisal?” Hapot ni Father.

“Hinde po. Gusto ko lang sabihin na baka po nag iisip kayo kun bakit hinde ko pa na kukumbinsi an asawa ko na maging Katoliko.”

“Huh? Maneeee. Parang sinisisi mo ako. Bakit ba gusto mo siyang ma kombertir?”

“An Kotoliko kasi an pinaka tunay na relihyon Father.”

“Para saiyo at sa akin tama ka.”

“An Protestante po Father?”

“Iyan man an pinaka tunay na relihyon kay Delia at sa iba. May mga kaibigan akong mga pastor na mga modelong mamamayan. May mga dati akong mga Protestanteng istudyante na mga matitino at magaganda an takbo ng buhay.”

“Ang ibig mong sabihin Father ok lang na huwag ko siyang kumbinsihin?”

“Kinukumbinsi ka niya ba na maging Protestante?”

“Hinde, Father.”

“Eh, di mas may katwiran pa pala ang asawa mo kaysa saiyo.”

“So, anong gagawin ko Father. Kayo po an eksperto dito.”

“Kung Katoliko ka, maging mabuti kang Katoliko. Kung Protestante ka, maging mabuti kang Protestante.”

“Isa po siyang debotong Protestante Father.”

“Eh di huwag mo nang isipin na kumbinsihin siya.”

“Hinde ba ako nag kasala noon nag sisimba ako sa mga simbahan Protestante?”

“Manny, Nag aatender din ako nang serbiyo nila. Minsan kinukumbidahan nila ako mag sermon bilang isang bisita.”

IYO LANG INI an gusto kong madangog! Nag pangadye ako nin tabang. Uya lang palan an simbag, sa laog kan harong ko sa dati kong maestro. An kagayunan kaini ta bako sana ako an natabangan ni Father kundi kairiba na digdi an agom ko saka aki ko. Nakakangalas kun pano sinisimbag an satuyang mga pangadye. Napapatuninong an satuyang mga kahaputan sa buhay sa mga alanganin na pangyayari.

Dae ka kaipuhan magin Katoliko o Protestante nganing mamutan si Hesu Kristo. Gusto kong mamutan ni Delia si Hesu Kristo sa tamang paagi na paagi ko, pero ngunian na gamiyawan ko na bakong sala si Delia sa paagi niyang pag moot ki Hesu Kristo. Paagi kan satuyang Kagurangnan.

Naka handa na an merienda. Masiram na preparasyon an ginibo ni Delia para sa bisita ming hulog nin langit.

Pwerte si karakanan mi sa meriendang dae ko malilingawan sa buhay ko.

Dios Mabalos po.