Ano an mga Elemento kan Plunder?

An plunder sarong krimen sa irarom kan RA No. 7080, o Anti-Plunder Act. Sinabi kan Supreme Court sa kasong Revilla, Jr. vs Sandiganbayan, G.R. No. 218232, asin Macapagal-Arroyo vs People, G.R. No. 220598, na nangyayari an plunder kun an sarong public officer, o may kasabwat, nagkamal nin ill-gotten wealth o kwarta asin mga pag-aaring nakuha sa ilegal na paagi, gamit an saiyang posisyon o kapangyarihan sa gobyerno. Kaipuhan man na an kabuuang halaga kaini umabot sa ₱50 milyon o higit pa.

Dai kaipuhan na sarong beses sana nangyari an pagnanakaw o pangungurakot.

An “combination” nangangahulugan na duwa o higit pang magkalain na klase nin ilegal na ginibo para makakuha nin ill-gotten wealth.

An “series” man nangangahulugan na duwa o higit pang pare-parehong ilegal na ginibo, arog kan paulit-ulit na paggamit o pagkua nin pondo kan gobyerno para sa personal na kapakinabangan.

An plunder may parusang life imprisonment, asin permanente an pagkabawal sa akusado na magkapot nin posisyon sa gobyerno. An mga kwarta o pag-aari na napatunayang gikan sa ilegal na pagyaman puwede man kuanon kan Estado.

Kun an kaso may parusang reclusion perpetua o life imprisonment, dai puwedeng mag-bail kun mapatunayan na strong an evidence of guilt.

Pero kun sa bail hearing, dai mapatunayan kan prosecution na makusog an ebidensya, puwedeng magin entitled sa bail an akusado.

An simbag na ini para sana sa pankagabsan na impormasyon asin dai dapat ituring na legal advice para sa partikular na kaso.

Kung may mga kahaputan, mag email sa ihapotkiattorney@gmail.com.